🏡 - *جب خود کا حال یا اپنی کوئی چیز اچھی لگے تو کیا کہنا چاہیے؟*
🌹 الله تعالیٰ نے قرآن مجید میں دو ساتھیوں کا واقعہ بیان کیا ہے۔ اس واقعے میں ہے کہ جب ان میں سے خوشحال ساتھی اپنے باغات پر اترانا شروع ہوا اور الله کو جھٹلانے لگا تو اس کے فقیر اور موحد ساتھی نے اس کو سمجھاتے ہوئے کہا :
*’’وَلَوۡلَاۤ اِذۡ دَخَلۡتَ جَنَّتَكَ قُلۡتَ مَا شَآءَ اللّٰهُ ۙ لَا قُوَّةَ اِلَّا بِاللّٰهِ ۚ اِنۡ تَرَنِ اَنَا اَقَلَّ مِنۡكَ مَالًا وَّوَلَدًا•‘‘*
"اور جب تو اپنے باغ میں داخل ہوا تو تو نے یہ کیوں نہ کہا {جو الله نے چاہا، کچھ قوت نہیں مگر الله کی مدد سے} اگر تو مجھے دیکھتا ہے کہ میں مال اور اولاد میں تجھ سے کم تر ہوں۔"
📋 - *(سورة الكهف، الآية : ٣٩)*
🌹 اس آیت کی روشنی میں بعض ائمہ سلف نے کہا ہے کہ جس شخص کو اپنے حال، مال یا اولاد میں سے کوئی چیز اچھی لگے تو اسے یہ کلمات *’’ماشاء الله لا قوة الا بالله.‘‘* کہنے چاہییں۔"
📋 - *( تفسير ابن كثير رحمه الله : ٧٦١/٣)*